ചാവറ കുര്യാക്കോസ് ഏലിയാസ് അച്ചന്‍ കാലത്തിനുമുമ്പേ നടന്ന നവോത്ഥാന നായകനായി അറിയപ്പെടുന്നു.
വിദ്യാഭ്യാസവും പുസ്തക പ്രസാധനവും ഉള്‍പ്പെടെയുള്ള പ്രവര്‍ത്തനങ്ങളിലൂടെ കേരള നവോത്ഥാനത്തിന് സംഭാവനകള്‍ നല്‍കിയ അദ്ദേഹം സാക്ഷരതയുടെ പിതാവ് എന്നറിയപ്പെടുന്നു.
ചാവറയച്ചന്‍ 1805 ഫെബ്രുവരി 10-ന് കുട്ടനാട്ടിലെ കൈനകരിയില്‍ ജനിച്ചു.
1829-ല്‍ പൗരോഹിത്യം സ്വീകരിച്ചു.
1831 മെയ് 1-ന് ഇന്ത്യയിലെ ആദ്യത്തെ ക്രൈസ്തവ സന്യാസി സഭയ്ക്ക് പാലയ്ക്കല്‍ തോമ മല്‍പാന്റേയും പോരുക്കര തോമാ മല്‍പാന്റേയും സഹായത്തോടെ ചാവറയച്ചന്‍ മാന്നാനത്ത് തുടക്കമിട്ടു. ഇത് പിന്നീത് സിഎംഐ സഭ എന്നറിയപ്പെട്ടു.
1855 മുതല്‍ ചാവറയച്ചന്‍ സിഎംഐ സഭയുടെ പ്രിയോര്‍ ജനറലായി.
1861-ല്‍ വികാരി ജനറലായി.
1865-ല്‍ പള്ളിയോടൊപ്പം പള്ളിക്കൂടവും സ്ഥാപിക്കണമെന്ന കര്‍ശന നിര്‍ദ്ദേശം നല്‍കി. അങ്ങനെ ചെയ്യാത്ത പള്ളികളെ പള്ളിമുടക്ക് കല്‍പ്പിക്കുകയും ചെയ്തു.
കേരളത്തിലെ കത്തോലിക്കാസഭയുടെ പള്ളിക്കൂട വിദ്യാഭ്യാസം ചാവറയച്ചന്‍ ആരംഭിച്ചു.
കേരളത്തിലെ ക്രിസ്ത്യന്‍ സഭയെ പാശ്ചാത്യ മാതൃകയിലുള്ള സഭയായി മാറ്റിയപ്പോള്‍ നൂറ്റാണ്ടുകളായി കാത്തു സൂക്ഷിച്ച ഇന്ത്യന്‍ ക്രൈസ്തവ പാരമ്പര്യത്തിന്റെ തനിമയും വ്യക്തിത്വവും തുടരണമെന്ന് ചാവറയച്ചന്‍ ആഗ്രഹിച്ചു. അതിനുവേണ്ടി മാന്നാനത്തും (1833) വാഴക്കുന്നത്തും (1866) എല്‍ത്തുരുത്തിയിലും (1868) പുളിങ്കുന്നിലും (1872) ചാവറയച്ചന്‍ സെമിനാരികള്‍ സ്ഥാപിച്ചു.
കേരളത്തില്‍ കത്തോലിക്കാസഭയുടെ ആദ്യത്തെ പ്രസ് മാന്നാനത്ത് 1844-ല്‍ ആരംഭിച്ചത് കുര്യാക്കോസ് അച്ചനാണ്. വിദേശികളുടെ സഹായം കൂടാതെ കേരളത്തില്‍ സ്ഥാപിതമായ ആദ്യത്തെ അച്ചടിശാലയാണിത്.
ദീപിക പത്രം 1887-ല്‍ പ്രിന്റ് ചെയ്തത് മാന്നാനത്തെ പ്രസില്‍ ആണ്.
തൃശ്ശൂരിലെ കൂനമ്മാവിലും പ്രസ് സ്ഥാപിച്ചിട്ടുണ്ട്.
മാന്നാനത്തെ പ്രസില്‍ അച്ചടിച്ച ആദ്യത്തെ പുസ്തകം ജ്ഞാനപീയുഷം ആണ്.
1846-ല്‍ മാന്നാനത്ത് ഒരു സംസ്‌കൃത വിദ്യാലയം സ്ഥാപിച്ചു. ഇവിടെ ദളിതരേയും പിന്നാക്കാവസ്ഥയില്‍പ്പെടുന്നവരേയും പ്രവേശിപ്പിച്ചു.
സര്‍ക്കാര്‍ വിദ്യാലയങ്ങളില്‍ പ്രവേശനം നിഷേധിക്കപ്പെട്ടിരുന്ന ദളിതര്‍ക്കുവേണ്ടി മാന്നാനത്തും ആര്‍പ്പൂക്കരയിലും പ്രാഥമിക വിദ്യാഭ്യാസം ആരംഭിച്ചു.
ആത്മാനുതപം എന്ന മഹാകാവ്യം രചിച്ചു.
അനസ്താസിയയുടെ രക്തസാക്ഷ്യം, ധ്യാനസല്ലാപങ്ങള്‍, നല്ല അപ്പന്റെ ചാവരുകള്‍, മരണവീട്ടില്‍ പാടുന്നതിനുള്ള പാന, നാളാഗമങ്ങള്‍ എന്നിവയാണ് ചാവറയച്ചന്റെ കൃതികള്‍.
1871 ജനുവരി മൂന്നിന് കൂനമ്മാവില്‍ ചാവറയച്ചന്‍ അന്തരിച്ചു.
1986-ല്‍ ചാവറയച്ചനെ ജോണ്‍ പോള്‍ രണ്ടാമന്‍ മാര്‍പ്പാപ്പ വാഴ്ത്തപ്പെട്ടവനായി പ്രഖ്യാപിച്ചു.
2014 നവംബര്‍ 23-ന് ഫ്രാന്‍സിസ് മാര്‍പ്പാപ്പ ചാവറയച്ചനെ വിശുദ്ധനായി പ്രഖ്യാപിച്ചു.
ദൈവദാസന്‍ എന്നറിയപ്പെട്ട സാമൂഹിക പരിഷ്‌കര്‍ത്താവാണ് ചാവറയച്ചന്‍.
ജീവിതം തന്നെ സന്ദേശം: വിശുദ്ധ ചാവറയുടെ ജീവിതം എന്ന പുസ്തകം രചിച്ചത് പ്രൊഫ എം കെ സാനുവാണ്.
